နောက်ခံလူ ဂါဘရီယယ်၏ ဒဏ်ရာစိုးရိမ်ရကြောင်း အာဆင်နယ်နည်းပြပြော
DVB
·
April 2, 2025
အာဆင်နယ်နောက်ခံလူ ဂါဘရီယယ်ရဲ့ ဒဏ်ရာဟာ စိုးရိမ်ရတဲ့အခြေအနေမှာရှိပြီး စစ်ဆေးမှုတွေ လုပ်ဆောင်သွားရမယ်လို့ နည်းပြအာတေတာက ပြောပါတယ်။
ဘရာဇီးနောက်ခံလူဟာ ဖူဟမ်ကို ၂ ဂိုး ၁ ဂိုးနဲ့ အနိုင်ရတဲ့ပွဲစဉ်မှာ တံကောက်ကြော ဒဏ်ရာရရှိခဲ့တာကြောင့် ပွဲအစ ၁၆ မိနစ်မှာပဲ လူစားလဲခဲ့ရတာပါ။
ဂါဘရီယယ်ဟာ အခြေအနေမဆိုးဘဲ လူစားလဲဖို့ ပြောတတ်သူမဟုတ်တာကြောင့် ဒဏ်ရာ အခြေအနေပြင်းထန်မှာကို စိုးရိမ်မိကြောင်း၊ တစုံတခု နာကျင်တဲ့ပုံပေါက်ပြီး ဘယ်လောက် အထိပြင်းထန်သလဲဆိုတာ မသိနိုင်သေးကြောင်း အာတေတာက ပြောပါတယ်။
ဖူဟမ်နဲ့ပွဲမှာ နောက်ခံလူ ယူလီယန်တင်ဘားဟာလည်း ဒူးဒဏ်ရာကြောင့် ပွဲချိန် ၇၇ မိနစ်မှာ လူစားလဲခဲ့ရပြီး ရီးရဲမက်ဒရစ်နဲ့ ချန်ပီယံလိဂ်ပွဲစဉ်အတွက် စိုးရိမ်စရာအခြေအနေ ဖြစ်သွားခဲ့ရပါတယ်။
Photo: Reuters
