ဟာလန်း၏ ဒဏ်ရာအခြေအနေ ပြင်းထန်မည်ကို မန်စီးတီးအသင်း စိုးရိမ်
DVB
·
April 1, 2025
မန်စီးတီးအသင်းဟာ တိုက်စစ်မှူး ဟာလန်းရဲ့ဒဏ်ရာ ပြင်းထန်မှာကို စိုးရိမ်နေပါတယ်။
ဟာလန်းဟာ ဘုန်းမောက်ကို အနိုင်ရခဲ့တဲ့ အက်ဖ်အေဖလား ကွာတားဖိုင်နယ်ပွဲစဉ်မှာ ခြေချင်းဝတ်ဒဏ်ရာ ရရှိခဲ့ပြီး ကွင်းထဲကအထွက်မှာ ခြေထောက်ကို အကာအကွယ် ဝတ်ဆင်ထားပြီး ချိုင်းထောက်အကူအညီလည်း ရယူခဲ့ရတာပါ။
ဟာလန်းရဲ့ ဒဏ်ရာအခြေအနေကို အသေးစိတ် မသိရသေးပေမဲ့ မန်စီးတီးရဲ့ အရေးကြီးပွဲစဉ်တချို့ကို လွဲချော်နိုင်တယ်လို့ သိရပါတယ်။
အထူးသဖြင့် ဖီဖာ ကလပ်ကမ္ဘာ့ဖလားပြိုင်ပွဲ ပွဲစဉ်တချို့ကိုလည်း လွဲချော်နိုင်ပြီး နည်းပြ ဂွါဒီယိုလာ အတွက် ခေါင်းခဲစရာအခြေအနေဖြစ်ကြောင်း မီဒီယာတွေက ဖော်ပြကြပါတယ်။
နော်ဝေတိုက်စစ်မှူးဟာ အခုနှစ်ရာသီ မန်စီးတီးအတွက် ပြိုင်ပွဲစုံ ဂိုး ၃၀ သွင်းယူထားပြီး ၃ ရာသီဆက်တိုက် သွင်းဂိုး ၃၀ နဲ့အထက် သွင်းယူနိုင်တဲ့ ကစားသမားအဖြစ်လည်း မှတ်တမ်းတင်နိုင်ခဲ့ပါတယ်။
