ထိုင်း-မြန်မာနယ်စပ်၊ ဖုတ်ဖမြို့မှာ  တရားမဝင် ဝင်ရောက်လာတဲ့ အထောက်အထားမဲ့ မြန်မာနိုင်ငံသား  ၄၄  ယောက်ကို ဖမ်းဆီးခဲ့တယ်လို့  ထိုင်းစစ်တပ် သတင်းရင်းမြစ်ကနေ သိရပါတယ်။

အဆိုပါ​ ရွှေ့ပြောင်း မြန်မာ ၄၄  ယောက်ဟာ ကရင်ပြည်နယ်၊ မြဝတီ​တောင်ဘက်ကတ​ဆင့် ထိုင်းနိုင်ငံ ဖုတ်ဖမြို့ ရပ်ကွက် ၇ ထဲကို တရားမဝင် ဝင်ရောက်လာချိန်  ထိုင်းလုံခြုံ​ရေး လှည့်ကင်းက တွေ့ရှိပြီး  စာရွက်စာတမ်း စစ်​ဆေးတဲ့အချိန် အ​ထောက်အထားမဲ့ ဖြစ်​နေတဲ့အတွက် ဖမ်းဆီးခံရတာပါ။ 

ဖမ်းဆီးခံရသူတွေဟာ မြန်မာပြည်ဘက်မှာ အလုပ်အကိုင်နည်းပါး၊ လုပ်ခလစာနည်းပါးတာကြောင့် ဘန်​ကောက်မြို့မှာ သွားရောက် အလုပ်လုပ်ကိုင်ဖို့   လမ်းစရိတ် တယောက်ကို ဘတ်ငွေ ၂၀၀၀၀ ပွဲစားကိုပေးပြီး သွားကြတာလို့ ပြောပါတယ်။

အ​ထောက်အထားမဲ့ ​ရွှေ့​ပြောင်းမြန်မာအလုပ်သမား ၄၄ ယောက်ကို  ထိုင်းနိုင်ငံ တရားဥပ​ဒေအတိုင်း အရေးယူနိုင်ဖို့  ဖုတ်ဖမြို့မရဲစခန်းကို ​မေ ၂၀ ရက်​ မနက်ပိုင်းမှာ လွှဲ​ပြောင်း​ပေးအပ်ခဲ့ပါတယ်။