အမေရိကန်၊ ဥရောပသမဂ္ဂ၊ ထိုင်ဝမ်နဲ့ ဂျပန်နိုင်ငံတို့ကနေ တင်သွင်းတဲ့ ပေါ်လီ ဖော်မယ်ဒီဟိုဒ် ကိုပေါ်လီမာလို့ ခေါ်တဲ့ စက်မှုလုပ်ငန်းသုံး ကော်စေ့တွေ တင်သွင်းမှုအပေါ် တရုတ်နိုင်ငံက အန္တရာယ်ရှိပစ္စည်း စွန့်ပစ်မှုတိုက်ဖျက်ရေးအခွန် စည်းကြပ်မယ်လို့ စီးပွားရေးဝန်ကြီးဌာနက မေ ၁၈ ရက်မှာ ကြေညာချက် ထုတ်ပြန်ခဲ့ပါတယ်။

မေ ၁၉ ရက်ကစပြီး ၅ နှစ်တာ စည်းကြပ်ခွန်ကောက်ခံမယ်လို့ ဆိုပါတယ်။ ဒီဒေသတွေကနေ ကော်စေ့တွေ တင်သွင်းမှုဟာ တရုတ်ပြည်မကြီးက လုပ်ငန်းကို ကြီးကြီးမားမား ထိခိုက်ပျက်စီးစေတယ်လို့ ဝန်ကြီးဌာနက ဆိုပါတယ်။

စွန့်ပစ်မှုတိုက်ဖျက်ရေးအတွက် အခွန်နှုန်းထားတွေက ၃ ဒသမ ၈ ရာခိုင်နှုန်းကနေ ၇၄ ဒသမ ၉ ရာခိုင်နှုန်းအထိ ရှိမယ်လို့လည်း ဆိုပါတယ်။

POM Copolymer လို့ လူသိများတဲ့ ကိုပိုလီမာကို ကြေးနီ၊ ဇင့်၊ သံဖြူ၊ ခဲနဲ့ တခြားသတ္တုပစ္စည်းတွေကို တစိတ်တပိုင်း အစားထိုးဖို့ ကားအစိတ်အပိုင်းတွေ၊ အီလက်ထရွန်းနစ်ပစ္စည်းတွေ၊ စက်မှုစက်ပစ္စည်းတွေ၊ အားကစားပစ္စည်းတွေနဲ့ ဆေးဘက်ဆိုင်ရာ ပစ္စည်းတွေ အပါအဝင် ကဏ္ဍအသီးသီးမှာ အဓိကသုံးပါတယ်။

Source: Reuters