ယီမင်နိုင်ငံမြို့တော် ဆာနားရှိ ဖာရ်ဝါ လူနေရပ်ကွက်မှာ လူပေါင်း တဒါဇင် သေဆုံးခဲ့ရတဲ့ အမေရိကန် လေကြောင်းတိုက်ခိုက်မှုကြောင့် ထိခိုက်ပျက်စီးဆုံးရှုံးမှုတွေကို အကဲဖြတ်ဖို့နဲ့ အပြိုအပျက်ဧရိယာကို ရှင်းလင်းဖို့ ဧပြီ ၂၁ ရက်မှာ ဒေသခံတွေ စုဝေးရောက်ရှိခဲ့ပါတယ်။
ဧပြီ ၂၀ ရက် နှောင်းပိုင်းက ဖာရ်ဝါ လူနေရပ်ကွက်ရှိ ဈေးနေရာကို အမေရိကန်ရဲ့ လေကြောင်းတိုက်ခိုက်မှုကြောင့် လူ ၁၂ ယောက် သေဆုံးပြီး အယောက် ၃၀ ဒဏ်ရာရရှိခဲ့ကြောင်း ဟူသီကျန်းမာရေးဝန်ကြီးဌာနရဲ့ ပြောကြားချက်အရ သိရပါတယ်။
ဇန်နဝါရီလက အမေရိကန်သမ္မတ ဒေါ်နယ်ထရမ့်ပ် စတင်တာဝန်ယူချိန်ကတည်းက အရှေ့အလယ်ပိုင်းမှာ အမေရိကန်စစ်တပ်ရဲ့ အကြီးမားဆုံး စစ်ဆင်ရေးအဖြစ် ပြီးခဲ့တဲ့လမှာ တိုက်ခိုက်မှုတွေကို ပြင်းပြင်းထန်ထန်လုပ်ဖို့ အမိန့်ပေးခဲ့ပါတယ်။
ဝါရှင်တန်ကတော့ အီရန်နဲ့ မဟာမိတ်ပြုထားတဲ့ ဟူသီတွေကို ပင်လယ်နီပေါ်က သင်္ဘောတွေကို တိုက်ခိုက်တာ ရပ်တန့်သွားချိန်အထိ ဟူသီတွေကို ဆက်တိုက်သွားမယ်လို့ ကတိပြုထားပါတယ်။
Source : Reuters
