တောင်ကိုရီးယားနိုင်ငံ၊ ဆိုးလ်မြို့တော်က စွပ်စွဲပြစ်တင်ခံရတဲ့ သမ္မတ ယွန်းဆွတ်ခ်ယိုးရဲ့ အိမ်တော်နားမှာ ရဲတပ်ဖွဲ့နဲ့ လုံခြုံရေးတပ်တွေကို ဧပြီ ၆ ရက်က သိသိသာသာ တာဝန်ချထားပါတယ်။
ယွန်းဟာ တောင်ကိုရီးယားနိုင်ငံမှာ ဆယ်စုနှစ်တွေအတွင်း အဆိုးရွားဆုံး နိုင်ငံရေး အကျပ်အတည်းကို ဖြစ်စေခဲ့သူပါ။
မနှစ်က သူ့ရဲ့ စစ်အုပ်ချုပ်ရေး ချမှတ်မှုနဲ့ ပတ်သက်ပြီး စွပ်စွဲပြစ်တင်မှုကို အတည်ပြုဖို့ ဖွဲ့စည်းပုံဆိုင်ရာ တရားရုံးက စီရင်ချက် ချပြီးပါပြီ။
အဲဒီနောက် ၂ ရက်အကြာမှာ ဟန်နမ်ဒေါင်ဒေသက တရားဝင် သမ္မတအိမ်တော်မှာ သူ့ကို ချုပ်နှောင်ထားပါတယ်။
သမ္မတက ရာထူးကနေ ဆင်းပေးခဲ့ပေမဲ့ လွတ်လပ်မှုနဲ့ အချုပ်အခြာအာဏာကို ကာကွယ်ဖို့ တိုက်ပွဲဝင်ခဲ့တဲ့ သူ့ရဲ့ထောက်ခံသူတွေဘက်က အမြဲရပ်တည်မယ်လို့ ယွန်းက တနင်္ဂနွေနေ့မှာ ပြောပါတယ်။
ဖွဲ့စည်းပုံအခြေခံဥပဒေပါ လိုအပ်ချက်အရ ရက်ပေါင်း ၆၀ အတွင်း အသစ်တက်မယ့် သမ္မတကို ရွေးကောက်တင်မြှောက်ဖို့ တရားရုံးက ဆုံးဖြတ်ထားပါတယ်။
ခေါင်းဆောင်အသစ် ကျမ်းသစ္စာကျိန်ဆိုတဲ့အထိ ဝန်ကြီးချုပ် ဟန်ဒက်ခ်ဆိုးက ယာယီသမ္မတအဖြစ် ဆက်ရှိနေမှာ ဖြစ်ပါတယ်။
Source : Reuters
