ဂျာမန်ကလပ် လိုက်ပ်ဇစ်တိုက်စစ်မှူး ဘင်ဂျမင် ဆက်စ်ကိုဟာ လာမယ့် နွေရာသီမှာ ပရီးမီးယားလိဂ်ဆီ ပြောင်းရွှေ့ဖို့ ဆုံးဖြတ်ထားတယ်လို့ သိရပါတယ်။
အသက် ၂၁ နှစ်ရှိ ဆလိုဗေးနီးယားတိုက်စစ်မှူးဟာ လိုက်ပ်ဇစ်နဲ့ ပြိုင်ပွဲစုံ ၇၈ ပွဲမှာ ၃၅ ဂိုးသွင်းယူထားပြီး ဥရောပထိပ်သီးအသင်းတွေရဲ့ စိတ်ဝင်စားခံနေရတာပါ။
ဂျာမန်သတင်းစာ BILD ရဲ့ ဖော်ပြချက်အရ ဆက်စ်ကိုဟာ လာမယ့်ရာသီမှာ အသင်းပြောင်းရွှေ့ မှာဖြစ်ပြီး ပရီးမီးယားလိဂ်ဆီပြောင်းရွှေ့ဖို့က ဦးစားပေးဖြစ်ကြောင်း၊ အာဆင်နယ်၊ ချဲလ်ဆီးနဲ့ မန်ယူနိုက်တက်အသင်းတွေဟာ ဆက်စ်ကို ပြောင်းရွှေ့နိုင်တဲ့ အသင်းတွေဖြစ်ကြောင်း သိရပါတယ်။
ဒါ့အပြင် အေစီမီလန်နဲ့ ဘိုင်ယန်မြူးနစ်အသင်းတွေဟာလည်း ဆစ်စ်ကိုကို ခေါ်ယူဖို့ စိတ်ဝင်စားနေတဲ့ အသင်းတွေ စာရင်းမှာ ပါဝင်ပါတယ်။
လိုက်ပ်ဇစ်အသင်းဘက်ကတော့ ဆစ်စ်ကို အတွက် ယူရိုသန်း ၇၀ ရရှိမယ်ဆိုရင် လက်ခံစဉ်းစားသွားမယ်လို့ သိရပါတယ်။
Photo: Reuters
