ဒီးမော့ဆို၌ ဓာတ်ဆီဆိုင်မီးလောင်၊ ကျပ် သိန်း ၁၀၀၀ ဝန်းကျင်ဆုံးရှုံး
DVB
·
March 28, 2025
ကရင်နီပြည်နယ်၊ ဒီးမော့ဆိုမြို့နယ်အနောက်ဘက်ခြမ်းမှာရှိတဲ့ ဝင်းရတနာဓာတ်ဆီဆိုင်မှာ မတ်လ ၂၈ ရက် မနက်ပိုင်းက မီးလောင်မှုဖြစ်ပွားခဲ့တယ်လို့ ဒေသခံနဲ့ မီးငြှိမ်းသတ်ပေးသူတွေဆီက သိရပါတယ်။
ဒီမနက် ၈ နာရီကျော်မှာ မီးစတင်လောင်ကျွမ်းခဲ့ပြီး မီးလောင်ချိန်က နာရီဝက်ကျော်ဖြစ်ခဲ့ကာ ရေကားနဲ့ မီးသတ်ကားတွေ လာရောက်ငြိမ်းသတ်ပေးခဲ့တယ်လို့ သိရပါတယ်။
မီးငြှိမ်းသတ်ပေးခဲ့သူတယောက်က "မီးလောင်တာကို စပြီးတော့ ငြှိမ်းတဲ့အချိန်မှာ အတွင်းထဲကနေ လှိုက်ပြီးတော့ လောင်နေတာ။ မီးလောင်တာက ဆီဆိုင် အဓိကလောင်သွားတာ"လို့ ပြောပါတယ်။
မီးလောင်မှုကြောင့် ဆီဆိုင်က ဆီပီပါ ၈၀ ကျော်လောင်ကျွမ်းခဲ့ရပြီး သိန်း ၁၀၀၀ ဝန်းကျင် ဆုံးရှုံးခဲ့ရတယ်လို့ ကနဦးသိရပါတယ်။
ပြီးခဲ့တဲ့ ဖေဖော်ဝါရီလ ဒုတိယအပတ်ထဲမှာလည်း ဒီးမော့ဆိုအနောက်ခြမ်းက အညတရဆီဆိုင် မီးလောင်ကျွမ်းခဲ့ရပြီး သိန်း ထောင်ချီ ဆုံးရှုံးခဲ့ရပါတယ်။
