
စစ်ကိုင်းတိုင်း၊ ဟုမ္မလင်းမြို့အနီး မတ်လ ၅ ရက် ဒီနေ့ မွန်းတည့် ၁၂ နာရီကျော်လောက်က အင်အား ရစ်ချ်တာစကေး ၅ ဒသမ ၅ အဆင့်ရှိ အင်အားအသင့်အတင့်ရှိတဲ့ မြေငလျင်တခု လှုပ်သွားတယ်လို့ မိုးဇလဌာနက ထုတ်ပြန်ပါတယ်။
ဒီနေ့မနက် မြန်မာစံတော်ချိန် မွန်းလွဲ ၁၂ နာရီ ၀၆ မိနစ်၊ ၃၅ စက္ကန့် လောက်က တမူးမြေငလျင်စခန်းမှ အရှေ့မြောက်ဘက် ၃၅ မိုင်ခန့်ကွာဝေးတဲ့ မြန်မာနိုင်ငံ ပြည်တွင်း ဟုမ္မလင်းမြို့ရဲ့ အနောက်တောင်ဘက် ၂၃ မိုင်ခန့်အကွာ အနက် ၆၄ ကီလိုမီတာကို ဗဟိုပြုပြီး မြေငလျင်တခု လှုပ်ရှားသွား ကြောင်း တိုင်းထွာရရှိတယ်လို့ မိုးဇလကဆိုပါတယ်။
မတ် ၅ ရက် ဒီနေ့ မနက်အစောပိုင်း ၄ နာရီကျော်လောက်ကလည်း ဧရာဝတီတိုင်း၊ ညောင်တုန်းမြို့အနီးကို ဗဟိုပြုပြီး အင်အားရစ်ချ်တာစကေး ၅ ဒသမ ၁ အဆင့်ရှိ အင်အားအသင့်အတင့်ရှိတဲ့ မြေငလျင်တခု လှုပ်ခတ်သွားပါတယ်။
ဒီမနက်ငလျင်ကြောင့် ညောင်တုန်းအနီး မအူပင်မြို့မှာ ဘုန်းကြီးကျောင်း၊ စာတိုက်၊ ဘောလုံးကွင်းတံတိုင်းနဲ့ စေတီတဆူတို့မှာ ထိခိုက်မှုတွေ ရှိထားပေမဲ့ လူထိခိုက်သေဆုံးမှု သတင်းကတော့ မရရှိပါဘူး။